ژمێریارێک دەستگیرکراوە شەش ساڵە موچەی فەرمانبەرێکی وەهمی بۆخۆی وەردەگرێت
باسک نێت
دەستەی دەستپاکی عێراق راگەیاند، ژمێریارێکیان لە بەڕێوەبەرایەتی پەروەردەی نەینەوا دەستگیرکردووە ، ماوەی شەش ساڵ بەناوێکی وەهمییەوە مووچەی فەرمانبەرێک بۆخۆی وەردەگرێت بێ ئەوەی ئەو کەسە هەر بوونی هەبێت .
دەشڵێت ، تۆمەتبارەکە ژمێریارە لە پەروەردەی حەزری سەر بە گەیارەو لەساڵی 2017ەوە تا ساڵی 2023 بەناوێکی وەهمییەوە بە بیانوی ئەوەی ئەو کەسە گواستراوەتەوە لە پەروەردەی هەولێرەوە بۆ بوشی پەروەردەی حەزر ، موچەی بۆ ئەو کەسە وەهمییە خەرج کردووەو بۆ خۆی پارەکەی گلداوەتەوە .
ئەوەشی خستوەتەڕوو، دوای لێکۆڵینەوە دەرکەوتووە ئەو کەسە نە دەستبەکاربونی هەیە و نە رێگەپێدانی ئەمنی بۆ کراوەو لەتۆماری ئەوەلیاتیش هیچ کەسێک بەو ناوە نییە.
لێدوان بنوسە لەڕیگای فەیسبووکەوە
