پرسی ناردنی هێز بۆ هەرێمی کوردستان تاوتوێ دەکرێت
باسک نێت
بڕیارە هەفتەی داهاتوو، سوپاسالاری عێراق، فەریق روکن عەبدولئەمیر رەشید یارەڵڵا، بە سەرۆکایەتی شاندێکی باڵای سەربازی و ئەمنی سەردانی هەرێمی کوردستان بکات. ئامانج لە سەردانەکە بەهێزکردنی هەماهەنگیی ئەمنیی نێوان هەولێر و بەغدا و تاوتوێکردنی پرسی پاراستنی کێڵگە نەوتییەکانە
سەرچاوەیەکی باڵا لە حکومەتی عێراق رایگەیاندووە ئامانجی سەرەکیی سەردانەکە بەهێزکردنی پەیوەندییە سەربازی و ئەمنییەکانی نێوان هەولێر و بەغدایە
ئەم سەردانە لە کاتێکدایە پێشتر شاندێکی هەرێم سەردانی بەغدای کردبوو و لەگەڵ سەرۆکوەزیرانی عێراق کۆبووبووەوە و تاوتوێی پرسی نەوت و هەناردەکردنیان کردبوو.
لەو کۆبوونەوەیەدا، سوپاسالاری عێراق ئامادەیی خۆی بۆ پاراستنی کێڵگە نەوتییەکانی هەرێم دەربڕیبوو
لێدوان بنوسە لەڕیگای فەیسبووکەوە
