سلێمانی: نرخى موه‌لیده‌ى ئه‌هلى بۆ مانگی شوبات دیاریكرا

نرخی یه‌ك ئەمپێڕ كاره‌بای موه‌لیده‌ لەمانگی رابردودا له ‌نێوان (12) هه‌زار و (500) دینار بۆ (14) هه‌زار دینار ده‌بێت.

ئەمڕۆ پێنجشه‌ممه‌‌ (2022/3/3)، لیژنەی سه‌رپه‌رشتیارى موه‌لیده‌ ئەھلییەکانی سلێمانی بۆ هه‌ژماركردنی نرخی كاره‌بای موەلیدە ئه‌هلییه‌كان كۆبونه‌وه‌ و بەپێى نرخى گازۆیل و كاتژمێره‌كانى كاركردن نرخى ئه‌مپێرێك كاره‌باى موه‌لیده‌ى ئه‌هلى بۆ مانگی رابردو (شوبات) له‌ نێوان (12) هه‌زار و (500) دینار بۆ (14) هه‌زار دینار ده‌بێت.

به‌هۆی جیاوازی كارپێكردنی موه‌لیده‌كان‌ له‌گه‌ڕه‌كێك بۆ گه‌ڕه‌كێكی دیكه‌، نرخی ئه‌مپێڕێك كاره‌بای موه‌لیده‌ی جیاواز ده‌بێت.

 سه‌باره‌ت به‌كاركردنى موه‌لیده‌کانیش لیژنەکە بڕیاریدا، به‌یانیان له‌ کاتژمێر (6:30)ـی به‌یانى تا سه‌عات (8:00)ـى به‌یانى كارده‌كه‌ن، هه‌روه‌ها  (12) نیوه‌ڕۆ تا یه‌كی شه‌و هه‌ركاتێك كاره‌بای نیشتیمانی كوژایه‌وه‌ پێویسته‌ موه‌لیده‌كان كاره‌با دابین بكه‌ن بۆ هاوڵاتیان.