نرخی نەوت لە دوایین ساتەکانی داخستنی بازاڕەکان لە رۆژی هەینی بەرزبووەوە بۆ بەرزترین ئاستی خۆی لە دوو مانگی رابردوودا.
نرخی یەک بەرمیل نەوتی برێنت 1 دۆلار و 12 سەنت بەرزبووەوە بە 83 دۆلار و 55 سەنت مامەڵەی پێوەکرا.
نرخی یەک بەرمیل نەوتی سووکی تەکساسی ئەمریکاش 65 سەنت بەرزبووەوە بە 78 دۆلار و 1 سەنت مامەڵەی پێوەکرا.
بەرزبوونەوەی نرخی نەوت دوای بڵاوبوونەوەی ئامارە ئابوورییەکانی ئەمریکا دێت کە ئاشکرایکرد، ئابووری ئەمریکا بەڕێژەی 3.3٪ لە چارەکی چوارەمی ساڵی رابردوو گەشەی کردووە.
گرژییەکانی دەریای سوور و بەتایبەتی هێرشی حووسییەکان بۆ سەر کەشتییەکی نەوتی هۆکاری دیکەی بەرزبوونەوەی نرخی نەوتە.
لێدوان بنوسە لەڕیگای فەیسبووکەوە
