راوێژکاری ئەڵمانیا، ئۆلاف شوڵتز و سەرکۆماری فەڕەنسا، ئیمانوێل ماکرۆن گفتوگۆیان کرد لە بارەی دۆخی ئێستای نرخی وزە.
لە راگەیەندراوێکدا کە لەلایەن گوتەبێژی حکوومەتی ئەڵمانیا، ستیفن هیبیسترەیت-ەوە بڵاوکراوەتەوە، باس لەوە کراوە کە شوڵتز و ماکرۆن لە رێگەی پەیوەندییەکی ڤیدیۆییەوە، گفتوگۆیان کردووە و بیروڕایان ئاڵوگۆڕ کردووە سەبارەت بە کێشەی وزە لە ئەورووپا و دۆخی ئێستای نرخەکەی.
لە راگەیەندراوەکەدا، هەروەها باس لەوە کراوە کە جگە لە رێوشوێنە ئەگەرییەکان لەسەر ئاستی ئەورووپا، هەڵسەنگاندن بۆ هاودەنگی فەرەنسا-ئەڵمانیا کراوە لە کەرتی وزەدا و شوڵتز و ماکرۆن یەکتریان لە هەنگاو و رێوشوێنە نیشتمانییە پلان بۆ داڕێژراوەکان ئاگادارکردووەتەوە.
راوێژكاری ئه‌ڵمانیا شوڵتز، باسی لە ناوه‌ڕۆكی پاكێجی هاوکاری سێیه‌می حكوومه‌تەکەی کردووە بۆ ماکرۆن کە هێشتا دانوستانی لەسەر دەکرێت.
