كوردستانهەواڵ

حکومەتی ھەرێم بڕیاریدا ئەم بڕە پارەیە بۆ پاڵپشتی خوێندکاران تەرخان بکات

وەزارەتی خوێندنی باڵا و توێژینەوەی زانستی ھەرێم رایگەیاند، حکومەت بڕیاریداوە بڕی حەوت ملیار و ٢٥٠ ملیۆن دینار بۆ پاڵپشتی خوێندکاران تەرخان بکات.

ئەمرۆ سێشەممە، وەزارەتی خوێندنی باڵا و توێژینەوەی زانستی حکومەتی هەرێم راگەیەنراوێکی بڵاوکردەوە وتیایدا هاتووە، حکومەتی هەرێم بڕیاریدا بە تەرخانکردن و خەرجکردنی پاڵپشتییەکی دارایی دارایی بۆ وەزارەتی خوێندنی باڵا و توێژینەوەی زانستی

دەشڵێت، وەک پێشینەی مانگانە بڕی حەوت ملیار و ٢٥٠ ملیۆن دیناربۆ پاڵپشتی خوێندکاران و چارەسەرکردنی گرفتی بەشە ناوخۆییەکان و دابین کردنی خزمەتگوزارییەکان دابین کرد.

لە راگەیەنراوەکەدا هاتووە، ئەم بڕیارە بەگوێرەی نوسراوەی ئەنجومەنی وەزیران/ سکرتارییەتی ئەنجومەنی وەزیران ژمارە (١٥٢٦٢) ی رێکەوتی ٧ی ١٢ی ٢٠٢١ سەبارەت بە کۆبوونەوەی ژمارە (٧٠)ی ئەنجومەنی وەزیران لە ٢٤ی ١١ی ٢٠٢١ بە ژمارە (١٣١) دەرکراوە.

ئاماژەی بەوەشداوە، وەزارەتی دارایی و ئابوری ئەم بڕیارە لە ١ی١ی ٢٠٢٢ بۆ خوێندنی ساڵی ٢٠٢١ – ٢٠٢٢ جێبەجێدەکرێت.

لێدوان بنوسە لەڕیگای فەیسبووکەوە

بابەتی دیكە

Close