دەستەی نەزاهە لە کەرکووک گەندەڵێکی بەرتیل خۆر دەستگیر دەکات.
دەستەی نەزاهەی فیدراڵی ڕایگەیاند، سەرۆکی بەشی کارپێکردن لە بەڕێوەبەرایەتی سەرچاوە ئاوییەکانی پارێزگای کەرکووک، لە کاتی وەرگرتنی بەرتیدا لەلایەن تیمەکانیانەوە دەستگیر کراوە.
بەپێی ڕاگەیەندراوێکی دەستەکە، تۆمەتبارەکە هەڕەشەی لە هاوڵاتییان و وەبەرهێنەران کردووە و داوای بڕە پارەیەکی زۆری کردووە لە بەرانبەر ڕێکخستنی نووسراوی نەبوونی کێشە بۆ پڕۆژەیەکی وەبەرهێنانیی تایبەت بە بەخێوکردنی ماسی.
پاش بەدواداچوونی ورد و بەدەستهێنانی بڕیاری دادوەر، تیمێکی لێکۆڵینەوە لە نووسینگەی کەرکووک بۆسەیەکی تۆکمەی بۆ داناوە و لە کاتی وەرگرتنی پارەکەدا دەستگیر کرا.
لێدوان بنوسە لەڕیگای فەیسبووکەوە
