وتەبێژی سەرۆکایەتی لوبنان ڕایگەیاند،” ئەگەر هێزەکانتان لە باشووری وڵاتەکەمان نەکشێننەوە، ئەوەی پێویست بێت دەیکەین”.
باسک نێت
ئەمرۆ سێشەممە 18ـی 2ـی 2025، نەجات شەرەفەددین، وتەبێژی سەرۆکایەتی لوبنان لە لێدوانێکدا ڕایگەیاند: “مانەوەی هێزەکانی ئیسرائیل لە باشووری وڵاتەکەمان بە داگیرکار دەزانین و داوا لە ئەنجوومەنی ئاسایشی نەتەوە یەکگرتووەکان دەکەین فشار لە ئیسرائیل بکات هێزەکانی لە باشووری لوبنان بکشێنیتەوە”.
ئەوەشی خستەڕوو: “بۆ کشانەوەی ئیسرائیل لە ناوچەکە ئەوەی پێویست بیت دەیکەین”.
پێشتر یسرائیل کاتز، وەزیری بەرگری ئیسرائیل ڕایگەیاندبوو: “هێزەکانی ئیسرائیل لە پێنج شوێنی باشووری لوبنان دەمێننەوە”.
رۆژی 27ـی تشرینی دووەمی 2024، ئاگربەستی نێوان حز*بوڵلای لوبنان و سوپای ئیسرائیل چووە واری جێبەجێ کردن.
لێدوان بنوسە لەڕیگای فەیسبووکەوە
