ئۆپۆزیسیۆنی بەریتانیا زیاتر لە سێ هێندەی پارتی فەرمانڕەوا دەنگی هێنا

پارتی کاری بەریتانیا لەدوای 14 ساڵ ملی بە پارتی پارێزگارانی حکومڕان کەچ کرد و زۆرینەی پەرلەمانیی بەدەستهێنا.

بۆ پێکهێنانی حکومەت پارت و هاوپەیمانێتییەکان پێویستیان بە 326 کورسیی پەرلەمانی هەیە. پارتی کار زۆر لەوە زیاتری هێناوە.

تاوەکو ئێستا لە کۆی 650 کورسیی پەرلەمانی، 646یان یەکلابوونەتەوە.

دەنگی پارتەکان بەمشێوەیەیە:باسک نێت

پارتی کار (ئۆپۆزیسیۆن): 410 کورسی. بەراورد بە هەڵبژاردنی پێشوو 209 کورسیی زیادکردووە.

پارتی پارێزگاران (حکومڕان): 119 کورسی. بەراورد بە هەڵبژاردنی پێشوو 248 کورسیی لەدەستداوە.

لیبراڵ دیموکراتەکان: 71 کورسی. بەراورد بە هەڵبژاردنی پێشوو 63 کورسیی زیادکردووە.

پارتی نیشمانیی سکۆتلاند: 9 کورسی. بەراورد بە هەڵبژاردنی پێشوو 38 کورسیی لەدەستداوە.

سەوزەکان: 4 کورسی. بەراورد بە هەڵبژاردنی پێشوو سێ کورسیی زیادکردووە.

ئەوانی دیکە: 31 کورسی. بەراورد بە هەڵبژاردنی پێشوو 13 کورسییان زیادکردووە.