بزووتنهوهی ئیسلامیعێراقكوردستانهەواڵ
بزووتنەوەی ئیسلامی بە پلان و نەخشەی نوێوە ئامادەیە بۆهەڵبژاردن
باسک نێت -هەڵەبجە
ئەمڕۆ 6\3\2024 لەمەڵبەندی هەڵەبجە کۆبونەوەی ئاسایی ئەندامانی بازنەی (٣)ی هەڵبژاردنی پەرلەمانی کوردستان ئەنجامدرا و تیایدا چەندتەورێک باسکران و بڕیار و ڕاسپاردەئاراستەی ئەندامان کرا.
پاش بڕیاردان لەسەر هەڵبژاردن و دیاری کردنی ڕۆژی هەڵبژاردن بزووتنەوەی ئیسلامی وەک هێزێکی کاریگەر و بەرچاوی نێوگۆڕەپانەکە نەخشەی خۆی هەیە بۆ بەشداریکردن لەهەڵبژاردن.
لەئێستادا سەرکردایەتی بزووتنەوەی ئیسلامی بەهەماهەنگی و ڕاوێژی دەزگای هەڵبژاردنەکان و شارەزایانی بواری هەڵبژاردن لەسەر ئاستی باڵا چەند بازنەی فراوانی پێکهێناوە لەنێویاندا پارێزگای هەڵەبجەی کردوە بەبازنەی (۳) حاجی ئەنوەر عەنەبی ئەندامی دەستەی کارگێڕی مەکتەبی سیاسی سەرۆکایەتی ئەم بازنەدەکات و تیایدا چەند ئەندامێکی مەکەتبی سیاسی و سەرکردایەتی بەشدارن و کۆبونەوەکانیان دەستپێکردوە و لەئایندەدا کۆبونەوەکان پێدەچێت فراوان بکرێن.
باسک نێت زانیویەتی بزووتنەوەی ئیسلامی ئامادەیە بۆهەڵبژاردن و پلان و نەخشەی جیاواز لەڕۆژانی ئایندەدا دەخەنەڕوو .