دۆسیەی ئەمنیی کەرکوک رادەستیی پۆلیسی پارێزگاکە دەکرێت و سوپا لە سەرجەم بازگەکان کشاوەتەوە.
باسک نێت – کەرکوک
عامر نوری، وتەبێژی پۆلیسی کەرکوک بە میدیاکانی راگەیاند، لەسەر فەرمانی محەمەد شیاع سودانی، سەرۆکوەزیرانی عێراق، سوپا لە تەواوی بازگەکانی سنووری پارێزگای کەرکوک کشاوەتەوە، دۆسیەی ئەمنیی پارێزگاکە رادەستیی پۆلیسی پارێزگاکە دەکرێت و لەشوێنی سوپا، پۆلیسی خۆجێیی بازگەکان بەڕێوەدەبەن
بەڵام لەژێر فەرمانی ئۆپەراسیۆنە هاوبەشەکاندان و پۆلیسیش بەشێکە لەو هێزە.
بەپێی زانیاریەکانی ماڵپەڕی باسک نێت بڕیارەکە تەنیا بۆ پارێزگای کەرکوک نییە، بەڵکو بۆ سەرجەم پارێزگاکانی عێراقە و ئەو پارێزگایانەی سوپای لێیە دەبێت بکشێنەوە و پۆلیسی خۆجێیی شوێنیان بگرنەوە،
پارێزگای کەرکوکیش لە رابردوودا دۆخێکی تایبەتی هەبووە و دۆسیەی ئەمنیی پارێزگاکە لە دەستی سوپادا بوو، بەڵام ئێستا سوپا کشاوەتەوە.
