وتەبێژی بەڕێوەبەرایەتی پۆلیسی پارێزگای هەڵەبجە وردەکاری خنکانی مناڵێکی تەمەن چوار ساڵی لەئاوی سیرواندا ئاشکرا کرد…
رائید بەرزان عوسمان وتەبێژی بەڕێوەبەرایەتی پۆلیسی پارێزگای هەڵەبجە رایگەیاند: کاتژمێر ٩ی سەرلەبەیانی ئەمڕۆ بەمەبەستی سەردانکردنی ئاوی دەریاچەی سیروان، خێزانێک دەچنە نزیک دەریاچەکە لەنزیک گوندی ئیمامی زامن ئۆتۆمبێلێکی جۆری جێب چیرۆکی – رەنگ رەشیان پێ بووە، دەکەوێتە ناو دەریاچەکە، مناڵێکی تەمەن ٤ ساڵی تێدا بووە، لەناو ئاوەکەدا دەخنکێت…
دەشڵێت: تیمەکانی بنکەی پۆلیسی سیروان و بنکەی بەرگری شارستانی سیروان ودانیشتوانی گوندەکە، تەرمی مناڵەکە و ئۆتۆمبێلەکەیان دەرهێنایەوە و تەرمەکەش رەوانەی پزیشکی دادی هەڵەبجە کرا، لەبنکەی پۆلیسی سیروان پەڕاوی لێکۆڵینەوە بۆرووداوەکە رێکخراوە…
بەداخەوەین بۆرووداوەکە، خوای گەورە سەبووری کەسوکار و بنەماڵەکەیان بدات…
