مامۆستایان و فەرمانبەرانی گەرمیان، دژی کەمکردنەوە و دواکەوتنی مووچەکانیان ڕژانە سەر شەقام و ڕایانگەیاند، تا گێڕانەوەی مافەکانیانن درێژە بەخۆپیشانەکان دەدەن.
پێش نیوەڕۆی ئەمڕۆ، لەبەردەم قائیمقامیەتی شارۆچکەی کەلاری ناوەندی ئیدارەی گەرمیان، دژی کەمکردنەوە و نەدانی مووچەکانیان، فەرمانبەران و ماموستایانی ناڕازیی گردبوونەوەیەکیان ئەنجامدا و تیایدا داوای گێڕانەوەی مافەکانیان کرد.
لە گردبوونەوەکەدا مووچەخۆران بە وتار و خوێندنەوەی شیعر ڕەخنەیان له دەسەڵاتدارانی هەرێمی کوردستان گرت و بە بەڵێنی بەردەوامیان به خۆپیشاندانەکانیاندا تا مافەکانیان بۆ دەگەڕێتەوە.
جێگای ئاماژەیه، خۆپیشاندەران کاتژمێر پێنجی سەر لەئێوارە دووبارە لەبەردەم قوتابخانەی لەیلاقاسم گردبوونەوە ئەنجام دەدەن.
لێدوان بنوسە لەڕیگای فەیسبووکەوە
