هاكان فیدان:
گەمارۆدانی سعودیە مایەی قبوڵکردن نییە
باسک نێت
هاكان فیدان، وەزیری دەرەوەی تورکیا دەڵێت، بەئامانجگرتنی شانشینی عەرەبستانی سعودی لە باشور و باکورەوە بە هەمان شێوەو لێدانی لەلایەن هێرشبەران لە عێراقەوە، بە هیچ جۆرێک قبوڵکراو نییە.
بەگوێرەی ئاژانسی”ئەنادۆڵ”وەزیری دەدەوەی تورکیا، لە لێدوانێکدا بۆ رۆژنامەنوسانی تورک لە کاتی سەردانەکەیدا بۆ سوریا رایگەیاندووە، کاتێک بابەتەکە دەبێتە چالاکییەک بە مەبەستی گەمارۆدانی سعودیە لە باکور و باشورەوەو وێرانکردنی ژێرخانی ژیاریی و زیانگەیاندن نەک تەنها بە سعودیە بەڵکو بە ناوچەکەش، هیچ کەسێک ناتوانێت بەرامبەر بەوە بێباك و بێدەنگ بێت.
جەختیشی کردەوە، تورکیا بەپێی رۆحییەت و ئاڕاستەی “پەیمانی مەککە” هەڵسوکەوت دەکات و ئەنکەر لەپاڵ سعودیە رادەوەستێت، پەیامی پێویستیشیان ئاڕاستەی لایەنە پەیوەندیدارەکانی دیکە کردووە.
