تێچووی حەجی ئەم ساڵ لەچاو ساڵی پار نرخەکەی زیادی کردووە

تێچووی حەجی ئەم ساڵ لەچاو ساڵی پار نرخەکەی زیادی کردووە

باسک نێت

نەبەز ئیسماعیل، وتەبێژی وەزارەتی ئەوقاف و کاروباری ئایینیی هەرێمی کوردستان:

“تێچووی حەجی ساڵی 2025 لەلایەن حکومەتی عێراقەوە دیاریکرا کە بۆ هەر کەسێک حەوت ملیۆن دینار دەبێت”.

ساڵی رابردوو تێچووی حەج 6 ملیۆن و 350 هەزار دینار بوو و بەراورد بە ساڵی رابردوو 650 هەزار دینار بەرزبووەتەوە.

“دیاریکردنی پارەکە لە بەغداوە بووە، هۆکارەکەش بەرزبوونەوەی نرخی هۆتێل و هەموو پێداویستییەکانی دیکەی مانەوەیە لە سعودیە”.

پشکی حەجی 2025 بەراورد بە پار زیادکراوە. ساڵی رابردوو 4,174 کەس ناویان دەرچووبوو.

لە 25-09-2024، تیروپشک بۆ ئەو ناوانە کرا کە ساڵی 2017 و 2023 ناوی خۆیان تۆمار کردبوو و لە تیروپشکەکەدا 5 هەزار و 120 کەس ناویان دەرچوو.