وەزارەتی دارایی عێراق لیستی مووچەی فەرمانبەرانی هەرێمی بەهۆی بوونی گرفتی هونەری بۆ هەولێر گەڕاندەوە.
باسک نێت
سایتی “بەغداد ئەلیەوم”ی عێراقی لە زاری سەرچاوەیەكی ئاگادارەوە رایگەیاند، وەزارەتی دارایی عێراق لیستی مووچەی رەوانەی هەرێم كردووەتەوە بەهۆی بوونی گرفتی هونەری، لە ژمارەی فەرمانبەران و تۆمار و زانیارییە كەسییەكانیان.
وتیشی: “ئەم گرفتە بووەتە هۆی دواكەوتنی ناردنی پارە، كە بڕیاربوو یەكشەممەی رابردوو بەغدا 540 ملیار دینار وەك یەكەم گوژمە رەوانە بكات، بەڵام دواخرا تا راستكردنەوەی لیستەكان لەلایەن وەزارەتی دارایی هەرێمەوە”.
لە سەرەتای ئەم مانگە وەزارەتی دارایی هەرێم لیستی مووچەی مانگی تشرینی یەكەمی مووچەخۆرانی هەرێمی رەوانەكرد و بڕیاربوو دوای وردبینی، بەغدا دەست بە ناردنی پارەی مووچە بكات.
لێدوان بنوسە لەڕیگای فەیسبووکەوە
