تەندروستیی پاشای سعودیە ناجێگیرە
دوای ڕەوانەکردنی شا سەلمانی پاشای سعودیە بۆ نەخۆشخانەی شاهانەیی کۆشکی سەلام لە جەددە، دەستبەجێ تاقیکردنەوەی پزیشکی بۆ ئەنجامدرا بۆ دەستنیشانکردنی هۆکاری بەرزبوونەوەی پلەی گەرمی جەستەیی.
سەرلەبەیانی ئەمڕۆ دووشەممە میدیاکانی دەوڵەتی سعودییە ڕایانگەیاند شا سەلمان تەمەن 88 ساڵان تووشی هەوکردنی سییەکانی بووە و دوای ئەوەی بەهۆی تا و ئازاری جومگەوە نێردرایە نەخۆشخانەی کۆشکی سەلام.
ئەسۆشیەتد پرێس ڕاپۆرتی پزیشکی نەخۆشخانەکە بڵاودەکاتەوە و ئاماژە بەوە دەکات ئەو تیمە پزیشکەی چاودێری شا سەلمان دەکەن بەرنامەیەکی چارەسەریان بۆ هەوکردنی سییەکانی دانەوە کە لە دژەزیندەیی پێکهاتووە بۆ کەمکردنەوەی هەوکردنەکە.
هەر لەبەر ناجێگیری تەندروستی باوکی محەمەد بن سەلمان، شازادەی جێنشینی سعودیە، سەردانێکی بۆ ژاپۆن دواخستووە، کە بڕیاربوو لەم هەفتەیەدا ئەنجام بدرێت.باسک نێت
