بەڕێوەبەرایەتی بەرگری شارستانی هەولێر هاوڵاتیان ئاگادار دەکاتەوە لە چەند رۆژی داهاتوودا پلەکانی گەرما زیاتر بەرز دەبنەوە، بۆیە پێویستە خۆیان بە دوربگرن لە بەرکەوتنی راستەوخۆی تیشکی خۆر و ئاگاداری ئۆتۆمبیلەکانیان بن.
بەرگری شارستانی ڕایگەیاندوە پێویستە شۆفێران وهاوڵاتیان مادە گازییەکان و شوشەی بۆن و چەرخی ئاگرکردنەوە و پیل لەناو ئۆتۆمبیلەکانیان جێنەهێڵن،چونکە مەترسی گڕگرتنیان هەیە.
هەروەها داوایکردوە شۆفێران لەکاتی ڕاگرتنی ئۆتۆمبیلەکانیان جامەکانی بەتەواوی دانەخەن و تەنکی بەنزینیش پڕ نەکەن.
بەرگری شارستانی هۆشداریشی داوە باشترە لە شەواندا بەنزین بکەنە ئۆتۆمبیلەکانەوە و پێویستە تایەی ئۆتۆمبیلیش زیاد لە پێویست هەوای تێدا نەبێت بەتایبەت لەکاتی گەشتکردندا.
ئەوە لەکاتێکدایە ساڵانە لەکاتی بەرزبونەوەی پلەکانی گەرما ژمارەی ئاگرکەوتنەوە و گڕگرتنی ئۆتۆمبیل زیاتر دەبێت.
