پسپۆڕی ئابوری عێراق:
“هەناردەكردنەوەی نەوتی هەرێم و كەركوك لەم كاتەدا بۆ عێراق زۆر گرنگە
باسک نێت
نەبیل مەرسومی، پسپۆڕی ئابوری عێراق دەڵێت: لەبەر رۆشنایی زیادبونی پێشبینیکراوی پشکی بەرهەمهێنانی نەوتی عێراق لە چەند مانگی داهاتوودا
زۆر گرنگە بە خێرایی کێشەی نەوتی نێوان ناوەند و هەرێم چارەسەر بکرێت و لەگەڵ تورکیا بگەنە لێکتێگەیشتن بۆ دەستپێکردنەوەی پەمپکردنی نەوت لە بۆری جەیهانەوە.
مەرسومی رایگەیاندووە: بەگوێرەی سەرچاوەکانی ئۆپێک، هەناردەی نەوتی خاوی عێراق لە مانگی ئابدا گەیشتووەتە سێ ملیۆن و (458) هەزار بەرمیل لە رۆژێکدا، کە سەرجەمی لە رێگەی دەریاو باشورەوە هەناردەی کراون، بەوەش عێراق نزیكبووەتەوە لەوپەڕی توانای هەناردەکردنی خۆی کە (3.5) ملیۆن بەرمیلە لە رۆژێکدا.
ئەو پسپۆڕی ئابورییە ئاماژە بەوەشدەكات: لەبەر رۆشنایی زیادبونی پێشبینیکراوی پشکی بەرهەمهێنانی نەوتی عێراق لە چەند مانگی داهاتوودا، زۆر گرنگە بە خێرایی کێشەی نەوتی نێوان ناوەندو هەرێم چارەسەر بکرێت و لەگەڵ تورکیا بگەنە لێکتێگەیشتن بۆ دەستپێکردنەوەی پەمپکردنی نەوت لە بۆری جەیهانەوە، بۆ ئەوەی عێراق بتوانێت نەوتی هەرێم و کەرکوک هەناردە بکات، كە بڕەكەی نزیکەی نیو ملیۆن بەرمیلە لە رۆژێکداو، بەشدار دەبێت لە چارەسەرکردنی ئەو تەنگانە داراییانەی کە عێراق لە ئێستادا بەدەستیەوە دەناڵێنێت.
