وادەی دەنگدانی پەرلەمانی عێراق لەسەر هەمواری یاسای بودجە دیاریکرا
باسک نێت
پاش کۆبونەوەی سەرۆک وەزیرانی عێراق لەگەڵ سەرۆکی کوتلە پەرلەمانییەکان ڕۆژی یەکشەممەی داهاتوو بۆ دەنگدانی پەرلەمان لەسەر هەمواری یاسای بودجە دیاریکرا، بەمەش کێشەی هەناردەکردنەوەی نەوتی هەرێم چارەسەر دەبێت.
بەپێی زانیارییەکان، محەمەد شیاع سودانی، سەرۆک وەزیرانی عێراق لەگەڵ دەستەی سەرۆکایەتی پەرلەمان و سەرۆکی فراکسیۆنەکان کۆبووەتەوە و گەیشتوون بە رێککەوتن لەسەر تێپەڕاندنی هەموارەکە.
هەر بەپێی زانیارییەکان، بڕیارە یەکشەممەی داهاتوو دەنگ بە هەمواری یاسای بودجە بدرێت، بەمەش بۆ بەرهەمهێنانی هەر بەرمیلێک نەوتی هەرێم 16 دۆلار دیاری کراوە.
لێدوان بنوسە لەڕیگای فەیسبووکەوە
