بەڕێوەبەرایەتی گشتیی هاتوچۆی عێراق ڕایدەگەیەنێت، لە رۆژی 18ی شوباتەوە هەموو پارەدانێک لە بەڕێوەبەرایەتییەکانی هاتوچۆی عێراق لە رێگەی سیستمی پارەدانی ئەلکترۆنییەوە دەبێت.
ئەمرۆ پێنجشەممە 15_ی شوبات_ی 2024 بەڕێوەبەرایەتی گشتیی هاتوچۆی عێراق لە راگەیەندراوێکدا بڵاویکردەوە، لە رۆژی یەکشەممەوە، مامەڵەی پارەی کاش لە بەڕێوەبەرایەتییەکانی هاتوچۆی بەغداد و پارێزگاکانی دیکەی عێراق رادەگیرێت و دەبێت بە ئەلیکترۆنی.
ئاماژەی بەوەش كردوە، هەنگاوەکە بەمەبەستی ئاسانکردنی کاروبارەکان و رێکارەکان بە پشتبەستن بڕیاری سەرۆک وەزیرانی عێراق بووە و پاڵپشتی کاری حکومەت و سیستەمی بانکیی عێراقە.
هەروەها داواش لە هاوڵاتییان دەکات، ماستەرکارد دەربکەن و پارەی تێدا دابنێن بۆ پێدانی رسوماتەکان لە جێگەی ئەوەی پارەی کاش لەگەڵ خۆیان بەرن بۆ ناو بەڕێوەبەرایەتییەکان.
لێدوان بنوسە لەڕیگای فەیسبووکەوە
