فەرمانگەی ڕاگەیاندنی پەرلەمانی عێراق بڵاوی کردووەتەوە، کاتژمێر 01:00ـی دوانیوەڕۆی ئەمڕۆ شەممە، پەرلەمان بۆ تاوتوێکردنی سێ پرۆژەیاسا کۆ دەبێتەوە.

تەوەری یەکەمیان، خوێندنەوەی یەکەم بۆ هەمواری دووەمی پرۆژەیاسای لێبووردنی گشتیی ساڵی 2016ـە و تێیدا لیژنەکانی ئاسایشی و بەرگریی، مافی مرۆڤ و یاسایی، ڕاپۆرتی خۆیان لەو بارەوە پێشکەش دەکەن.

تەوەری دووەم، بریتییە لە خوێندنەوەی دووەم بۆ پرۆژەیاسایی قەرەبووکردنەوەی زیانلێکەوتووانی دەستی ڕژێمی پێشوو.

سێیەم تەوەریش پرۆژەیاسای تایبەتە بە حوکمدان.