ئاراس محەمەد
سەر ڕستەی ئەم وتارە یەكێك بوو لە ئاماژەی وتارەكەی ڕابەری گشتی بزووتنەوەی ئیسلامیی لە خورماڵ.
ئەم ڕستەزایە ئەوەمان پێ دەڵێت كە بزووتنەوەی ئیسلامی وەك هێزێكی جەماوەریی و هەڵقوڵاو لە عەقیدە و ئاكاری بەرز لە دامەزراندنیەوە تا ئێستا خودان سەروەی مرۆیی و جەماوەریی بووە.
ڕابەری گشتی بزووتنەوەی ئیسلامی، لەمیانی بەشداری لە سازبەندێکی جەماوەری لەهەورامان بۆ ڕێزگرتن لەشەهیدانی بزووتنەوە سازکرابوو، باسی سەرەتایی بانگەواز و اعلانی جیهادی بزووتنەوەی ئیسلامی کرد، بە ڕابەرایەتی مامۆستا مەلا عوسمان عەبدول عەزیز.
ووتی بزووتنەوە پیاوانێکی دیندار و لەخوا ترس و خاوەن زانست و تەقوا و عەمامە پاک ڕابەرایەتییان دەکرد، هەر بۆیە نوخبەی پاکترین مرۆڤەکانی خوا، هاتنە ڕیزی بزووتنەوەی ئیسلامی، ئەمەش وایکرد بەماوەیەکی کەم گەشەیەکی گەورەو خێرا بکات و مێژوویەکی جوان و پڕ سەروەری تۆمار بکات، کە بۆ هەمووان مایەیی فەخر و شانازیبێت.
نییەت پاکی و ئیخلاصی ڕابەران و دڵسۆزی و خەمخۆری پێشمەرگەو کادیر و ئەندامانی وایکردوە بزووتنەوە تا ئێستاش جێگای ئومێد و هیوای ئیسلامخوازانی کوردستانەو، هەمووان بە ئومێدەوە چاویان لەهەنگاوەکانی بزووتنەوەی ئیسلامییەو چاوەڕوانن بزووتنەوە ببێتەوە قەڵغان و قەڵای پارێزگاری مزگەوت و منارە و سەرپۆش و جارێکیتر چەتری سەرسەری ڕابوون.
