نوسەران

شۆڕشی برسی یەکان بەڕێوەیە….

عبدالعظیم محمد

دەسەڵات داران، ئەی خاوەن کۆشک و ڤێلاکان، ئەی خاوەن داهات و سامانەکان، خاوەن کارگە وکۆمپانیا زەبەلاحەکان، ئەی ئەوانەی سەرەوەت و سامان و داهاتی وڵاتتان خزاندوەتە ژێر زەمینەکانتان، ئەی ئەوانەی هەموو سەرچاوەکانی داهاتتان خستوەتە خزمەتی خۆتان و نەوەکانتان، ئەی ئەوکەسانەی کە میللەتتان برسی کردوو حکومەتتان دادۆشی بۆ حزب و بەرژەوەند خۆتان، ئەی بێ هەستەکان…..

تاکەی بیرێک لەخۆتان ناکەنەوە،ئاوڕێک لەڕەش و ڕووتی ئەم وڵاتە نادەنەوە، دڵنیابن ئەم پەتای کرۆنایە، دەسەڵاتەکەی وەک دەسەڵاتە گەندەڵەکەی ئێوە نیە، کۆمەڵێک بخوات و میللەت برسی ، دەسەڵاتی ئەم بێ جیاوازی خۆی دەسەپێنێ، کاتێک دەگاتە لاتان ان شاءالله، هیچ شتێک دادتان نادات، نەخودای گەورە و پاشانیش نە مێژوو ڕەحمتان پێ ناکات ، باسی چاوچنۆکی دزی و گەندەڵی و مەحسوبیەت و مەنسوبیەت و …..هتد ئێوە دەکات بۆ هەتا هەتایە ئەبێتە پەڵەیەکی ڕەش و لێتان نابێتەوە……

تاکار لەکار نەترازاوە…..تا میللەت بەبەریۆ ماوە …..تا دۆ و دۆشاو تێکەڵ نەکراوە …بێرێک لەخۆتان بکەنەوە .. ئاوڕێک لەمیللەت بدەنەوە….مووچەکانیان بدەنەوە …مافەکانیان بۆ بگێڕنەوە…. چونکە میللەت خەریکە سەبری ئەیوبی لەدەست ئەدا….ئەوکات کەئەوە ڕویدا ….هێز و دەسەڵاتتان دەبێ ئاوا….

کرۆنا لەماڵەوە بەندی کردووین …ئێوەش دەستان خستوەتە قورقوراگەمان پێکەوە نیەتان هێناوە لەناومان بەرن… بەڵام خەیاڵتان خاوە….ئەم میللەتە ئەنفال و کیمیا باران و لەسێدارەدان چۆکی پێ دانەدا بۆ ئێوەش چۆک دانادا… هاکا بورکانی ناو سنگی میللەت تەقەیەوە و بوبەشۆڕشێک شۆڕشی برسیەکان ئەوکات بۆ کوێ دەچن…ڕەحم بەکەستان ناکرێ ، پەشیمانیش دادتان نادات….

با ئەوەش بوەستێ لە دوا ڕۆژدا لەبەردەم خوای پەروەردگارا وەڵامتان چی دەبێت کاتێک ێتان دەوترێت ..( من اين لك هذا…)

لێدوان بنوسە لەڕیگای فەیسبووکەوە

بابەتی دیكە

Close