شەپۆلێکی دیکەی بەفر و باران هەرێمی کوردستان دەگرێتەوە
باسک نێت
بەڕێوەبەرایەتی گشتی کەشناسی و بوومەلەرزەزانی هەرێم
لەپاشنیوەڕۆی ئەمڕۆوە شەپۆلێكی بارینی بەفر و باران ڕوو لە ناوچەكەمان دەكات و سەرەتا كاریگەرییەكەی لە سنووری ئیدارەی زاخۆ و پاشان سنووری پارێزگای دهۆک و ناوچە شاخاوییەکان زیاتر دەبێت.
لە ئێوارەدا کاریگەری شەپۆلەکە دەگاتە سەر سەرجەمی ناوچە جیاجیاکان و باران بارین لە سەنتەری پارێزگاکان و ئیدارە سەربەخۆکان بە ڕێژەی جیا جیا دەبارێت.
بڕی بارانی پێشبینیکراو لە ماوەی هاتنی ئەم شەپۆلە بە گشتی لەنێوان ١٠-٢٠ ملیمەتر دەبێت و هەروەها بەفر بارینی پێشبینیکراویش بە گشتی لە نێوان ١٠-٢٥ سانتیمەتر دەبێت.
کاریگەری ئەم شەپۆلە تا کاتەکانی شەوی ڕۆژی شەممە بەردەوام دەبێت و لەگەڵ هاتنی کاریگەری ئەم شەپۆلە پلەکانی گەرما چوار تا شەش پلە نزم دەبنەوە و خێرای با هەندێ کات بۆ سەرووی ٢٠ كیلۆمەتر لە كاتژمێرێكدا زیاد دەكات.
