
باسک نێت
بانکی ناوەندی عێڕاق، ڕایگەیاند، بەمەبەستی ڕێگریکردن لە سپیکردنەوەی پارە، بڕیار دەدرێت کە ڕێگری بکرێت لە فرۆشتنی ئەو خانووبەرانەی بەهاکانیان لە سەروو 100 ملیۆن دیناری عێراقییەوەیە.
بەپێی نووسراوێکی بانکی ناوەندی عێراق کە وێنەیەکی دەست كوردیو كەوتوە، لەمەوبەدوا رێگری دەکرێت لە مامەڵەکردن بەو خانووبەرانەی کە نرخەکانیان لە سەروو 100 ملیۆن دینارەوەیە، جگە لەوەی لە رێگای بانکە عێراقییە باوەڕپێکراوەکانەوە دەکرێت.
ئەوەشی خستۆتەڕوو، ئامانج لە بڕیارەکە رێگریکردنە لە سپیکردنەوەی پارە و پارەدارکردنی گرووپە تیرۆرستییەکان.
پێشتریش بانکی ناوەندی بڕیارێکی لەبارەی خانووە گرانبەهاکان دەرکردبوو، و بەپێی بڕیارەکە ئەو خانووبەرانەی کە بەهاکانیان لە سەروو 500 ملیۆن دیناری عێراقییەوە بوون ڕێگری لە فرۆشتنیان دەکرا.
لێدوان بنوسە لەڕیگای فەیسبووکەوە