شێخ عەزیز عەلی، بەڕێوەبەری خانەنیشینی پێشمەرگە لە سلێمانی
باسک نێت
ئەوان لیستی موچەی مانگی حەوتیان بە هاوتاكراوی ئامادەكربو، بەڵام هاوتاكردنە دوا خرا بەهۆی هەندێك كێشەی لاوەكیەوە و پێ ناچێت بۆ موچەی مانگی (ئاب/8) ئەو كێشانە چارەسەر بكرێت
كێشەكە لەوەدایە موچەی بنەڕەتی هێزە ئەمنیەكان لە هەرێمی كوردستان كەمە و ئەوەی كە هەیە دەرماڵەی مەترسیە، بەڵام لەیاساكەی عێراقدا تەنها دەرماڵەی خوێندن دەگرێتەوە”.
لە كۆبونەوەی نێوان وەزارەتی پێشمەرگە و دارایی بڕیاردرا هاوتاكردنی موچەی خانەنیشانی سەربازی دوابخرێت، لەبەر ئەوەی هەندێك كێشەی لاوەكی هەیە بۆ ئەوەی چارەسەر بكرێت.
ئەو كێشانەی هەیە بۆ موچەی مانگی (ئاب/8) پێناچێت چارەسەر بكرێت و هاوتاكردنی موچەی خانەنیشیانی سەربازی دەكەوێتە موچەی مانگی (ئەیلول/9)وە.
ئەوان لیستەكانیان هاوتاكردوەتەوە لەگەڵ خانەنشینانی بەغدا و تەناتە لیست و چەكی بانكەكانیشیان ئامادەكردبو، پێش ئەوەش بۆ موچەی مانگی (تەمموز/7) بەهەمان شێوە لیستی موچە بە هاوتاكراوی ئامادەكرابو.
یاساكەی عێراق پەیوەندی بە پلەی سەربازییەوە نیە بۆ خانەنشینی، بەڵكو پەیوەندی بە ساڵی خزمەت و موچەی بنەڕەتیەوە هەیە
كێشەكەش لەوەدایە موچەی بنەڕەتی هێزە ئەمنیەكان لە هەرێمی كوردستان كەمە و ئەوەی كە هەیە دەرماڵەی مەترسیە، بەڵام لەیاساكەی عێراقدا تەنها دەرماڵەی خوێندن دەگرێتەوە، ئەویش بڕوانامە بەرزەكان لە دیبلۆمەوە بۆ دكتۆرا، ئامادەیی و ناوەندی ئیشی پێناكرێت.
دەرماڵەی بڕوانامە بۆ دبیلۆم 10% و بۆ بەكالۆریۆس 10% ی موچەی بنەڕەتیە و نسبەیەكی كەمە
ئەو كەسانەشی كە پێش 2014 خانەنیشن بونە دەستكاری موچەكانیان ناكرێت
ئەوانەی ملیۆنێك بەرەو سەرە دەرماڵەكانیان نامێنێت، ئەوان خوار 500 هەزار دینارە و موچەكانیان دەبێتە 500 هەزار، ئەوانەی دیكەش تا ملیۆنێك 100 هەزار دیناری مینحەیان پێ دەدرێت و دەرماڵەم خێزان و منداڵ نامێنێت.
لەبارەی ئەو دەنگۆیەی كە دەوترا ئەوانەی موچەیان خوار ملیۆنێكە 300 هەزار دەچێتە سەر موچەكەیان، شێخ عەزیز عەلی وتی، “شتی وانیە و ئەو دەنگۆیە ڕاست نیە، بگرە دەڕماڵەكەشیان ئەبڕێت”.
