باسک نێت
وته‌بێژی كۆمسیۆنی باڵای هه‌ڵبژاردنه‌كانی عێراق ڕایگەیاند، هه‌ڵبژاردنی خولی شه‌شه‌می په‌رله‌مانی كوردستان له 100 كورسی پێكدێت، كه بۆ پارێزگای سلێمانی 38 كورسی و بۆ پارێزگای هه‌ولێر 34كورسی و بۆ پارێزگای دهۆكیش 25 كورسی و پارێزگای هه‌ڵه‌بجه‌ش 3 كورسی ده‌بێت.
جومانه غه‌لای وته‌بێژی كۆمسیۆنی باڵای سه‌ربه‌خۆی هه‌ڵبژاردنه‌كانی عیراق له‌چاوپێكه‌وتنێكیدا رایگه‌یاند:” كۆمسیۆن رێنماییه‌كانی تۆماركردنی هاوپه‌یمانێتییه‌كانی بۆ هه‌ڵبژاردنی په‌رله‌مانی كوردستان په‌سه‌ندكرد و به‌پێی رێنماییه‌كه هه‌ر حزبێك بۆی هه‌یه هاوپه‌یمانێتی له‌گه‌ڵ حزبێكی دیكه ببه‌ستێت و له‌كۆمسیۆن ناوی هاوپه‌یمانێتییه‌كه تۆماربكات”.
ئاماژەی بەوەشکردووە، “هاوكات كۆمسیۆن رێنماییه‌كانی هاوپه‌یمانێتی نێوان حزبه‌كانیشی په‌سندكرد، كه هه‌ر حزبێك ده‌توانێت له‌یه‌ك بازنه‌دا ته‌نها یه‌ك هاوپه‌یمانێتی ئه‌نجام بدات، یاخود ده‌توانێت به لیستی سه‌ربه‌خۆ به‌شداربێت و ناوی كاندیده‌كانی بۆ كۆمسیۆن بنێرێت، له‌گه‌ڵ ئه‌وه‌شدا هیچ حزبێك بۆی نییه له‌یه‌ك بازنه‌دا دوو هاوپه‌یمانێتی ئه‌نجام بدات”
ئەوەشی خستووەتە ڕوو:”هه‌ڵبژاردنی خولی شه‌شه‌می په‌رله‌مانی كوردستان له 100 كورسی پێكدێت، كه بۆ پارێزگای سلێمانی38كورسی و بۆ پارێزگای هه‌ولێر34 كورسی و بۆ پارێزگای دهۆكیش 25 كورسی و پارێزگای هه‌ڵه‌بجه‌ش 3 كورسی ده‌بێت”.
جومانه غه‌لا باسی لەوەشکردووە: “هه‌ڵبژاردنی په‌رله‌مانی كوردستان به‌سه‌ر چوار بازنه‌دا دابه‌شكراون، كه بازنه‌كانی (هه‌ولێر و سلێمانی و دهۆك و هه‌ڵه‌بجه)”.
