كوردستانهەواڵ

قایمقامیەتی سلێمانی لە مانگی رابردوو زیاتر لە 72 ملیۆن غەرامەی شوێنەكانی كردووە

قایمقامیەتی سلێمانی رایگەیاند لە مانگی رابردوودا زیاتر لە 72 ملیۆن دینار غەرامەی شوێنەكانیان كردووە و زیاتر لە چوار هەزار سەردانیان ئەنجامداوە و دەستیشیان بەسەر 49 تۆن كاڵاوشمەكی خراپ و ماوەبەسەرچوودا گرتووە‌.

بەگوێرەی ئامارەكانی قایمقامیەتی سلێمانی لە ماوەی مانگی رابردوودا چوار هەزار و 906 سەردان بۆ دوكان و بازاڕ و شوێنە ‌گشتییەكان ئەنجامداوە، پسوڵەی سەرپێچی بۆ 708 شوێن تۆماركراوە و 465 شوێنیشیان ئاگادار كردوەتەوە.
بەگوێرەی ئامارەكە بەهۆی جێبەجێ نەكردنی ‌رێنماییەكانی تەندروستی و ڤێتێرنەری و مەرجەكانی دیكەی كاركردن، لیژنە هاوبەشەكانی قائیمقامیەتی سلێمانی (14) شوێن داخراوە وەهەروەها دوو شوێنیش روبەڕووی دادگا كردوەتەوە.
بەگوێرەی راگەیەندراوەكە لیژنەكانی قائیمقامیەتی سلێمانی توانیویانە دەست بەسەر 49 تۆن كاڵاوشمەك و خواردەمەنی خراپدا بگرن‌ و لەلایەن لیژنەی تایبەتمەندەوە لەناوبراوە، بڕی ئەو پارەیەشی لە غرامەی شوێنەكادا كۆكراوەتەوە 72 ملیۆن و 360 هەزار دینار بووە.

لێدوان بنوسە لەڕیگای فەیسبووکەوە

بابەتی دیكە

Close