![](https://www.basknet.net/wp-content/uploads/2020/10/91627180_509109543097818_713493337444712448_n-780x405.jpg)
بەرپرسێکى باڵاى وەزارەتى تەندروستى عێراق قەدەغەى هاتوچۆ بە رێوشوێنێکى شکستخواردو بۆ روبەڕوبونەوەى کۆرۆنا لەقەڵەم دەدات و رەتیدەکاتەوە کە بڕیارى لەوشێوەیە بدەن.
عەبدولئەمیر حلفى، بەڕێوەبەرى گشتى تەندروستى لە وەزارەتى تەندروستى عێراق لە لێدوانێکى رۆژنامەوانیدا، رەتیکردەوە لە ئێستادا بریارى قەدەغەى هاتوچۆبدەن .
راشیگەیاند، قەدەغەى هاتوچۆ هییچ سودێکى نیە و شکستى هێناوە.
لە بەشێکى دیکەى قسەکانیدا ئەو بەرپرسە باڵایەى وەزارەتى تەندروستى عێراق، راگەیاند، دووبارە تەشەنە سەندنەوەى ڤایرۆسى کۆرۆنا لە وڵاتانى عەرەبى و وڵاتانى دراوسێ و بەرزبونەوەى ژمارەى ئەوکەسانەى کە بەهۆى ئەوڤایرۆسەوە لە ئەوروپا گیانیان لە دەستداوە ئاماژەى مەترسیدارن، هەروەها زەنگى ئاگادارکردنەوەیە بۆهاتنى شەپۆلێکى وەزرى نوێى کۆرۆنا، بەڵام تاکە چارەسەر تەنها خۆپارێزى و پابەندبونە بە رێنماییە تەندروستیەکان.
ئاشکراشیکرد، تەنها(20%) عێراقیەکان ماسک بەکاردەهێنن.