كوردستانهەواڵ

وەزیری ناوخۆ سەردانی دهۆکی کرد

بە راسپاردەی مەسرور بارزانی، سەرۆکی حکومەتی هەرێمی کوردستان، رێبەر ئەحمەد، وەزیری ناوخۆ، سەردانی شاری دهۆکی کرد و لەگەڵ بەرپرسانی شارەکە کۆبووەوە.

وەزیری ناوخۆ لەبارەی لە نزیکەوە چاودێریکردنی رێکارەکانی رووبەڕووبوونەوەی ڤایرۆسی کۆرۆنا و قەرەبووکردنەوەی زیانلێکەوتوانی لافاوەکەی چەند رۆژی رابردوو دهۆک گەیشتووەتە ئەو شارە کە سەرۆکی حکومەت دوو ملیار دیناری بۆ قەرەبووکردنەوەیان تەرخانکردبوو.

بەهۆی لافاو و بارانی زۆری چەند رۆژی رابردوو، زیاد لە 400 خانوو و دەیان ئۆتۆمبێل لە دهۆک و زاخۆ زیانیان پێگەیشت، بەو هۆیەوە، مەسرور بارزانی، بڕی دوو ملیار دیناری وەک یارمەتی بۆ زیانلێکەوتووان لە دهۆک و زاخۆ خەرج کرد.

هەروەها، دوێنی پێنجشەممە، یەکەم حاڵەتی ڤایرۆسی کۆرۆنا لە دهۆک تۆمارکرا کە کەسێک بوو لە دەرەوەی وڵات گەڕابووەوە شارەکە.

لێدوان بنوسە لەڕیگای فەیسبووکەوە

بابەتی دیكە

Close