ئابووریكوردستانهەواڵ

غالب محەمەد: بەغدا بڕیاریدا 50 ملیۆن لیتر نەوت بۆ هەرێم بنێرێت

پەرلەمانتارێکی عێراق ڕایگەیاند لەسەر داواکاری ئەو بریکاری وەزارەتی نەوتی عێراق بڕیاریداوە بڕی 50 ملیۆن لیتر نەوتی سپی بۆ هەرێم بنێرێت.

غالب محەمەد لە پەیجی فەرمی خۆی ڕایگەیاندوە لە رۆژی 12 ی ئاب داوایکردوە نەوت بۆ هەرێم بنێردرێت و ئەمڕۆ لەگەڵ بریکاری وەزارەتی نەوت کۆبوەتەوە و بڕیاردراوە 50 ملیۆن لیتر بۆ هەرچوارپارێزگاکە و دوو ئیدارە سەربەخۆکە بنێرێت.

ئەوەشی نوسیوە لە هەفتەی داهاتوو فەرمانکە دەردەچێت بە نرخی حکومی کە 150 دینارە بۆ هەر لیترێک، واتا بەرمێلێک بە 31 هەزار و 500  دینار .

ئەو پەرلەمانتارە ئاماژەی بەوەشکردوە نەوتەکە بگاتە دەستی هاوڵاتیان و بەو نرخەی عێراق دابەشبکرێت نەک گرانبکرێت لەپێناو کۆمپانیاکان.

غالب محەمەد هەڕەشەی ئەوەشیکردوە ئەگەر نرخەکە گرانبکرێت وەزارەتی نەوتی عێراقی لێ ئاگاداردەکەنەوە و رێکاری یاسای دەگرنە بەر

ئەوە لەکاتێکدایە حکومەتی هەرێم چەند ساڵێکە نەوتی سپی بەسەر هاوڵاتیاندا دابەش ناکات و پارێزگاکان بە سەربەخۆ داوایان لە بەغدا کردوە نەوتیان بۆ بنێرێت.

لێدوان بنوسە لەڕیگای فەیسبووکەوە

بابەتی دیكە

Close