پوتین: ڕووسیا وازی لە پڕۆژەکانی لەگەڵ ئێران ناهێنێت؛ کاری وێستگەی ئەتۆمیی بوشەهر بەردەوامە
باسک نێت
ڤلادیمێر پوتین، سەرۆکی ڕووسیا، جەخت لە گرنگیی بەردەوامبوونی هاوکاریی نێوان مۆسکۆ و تاران کردووەتەوە. لە هەمان کاتدا، سێرگێی لاڤرۆڤ، وەزیری دەرەوەی ڕووسیا، ڕایگەیاندووە کە مۆسکۆ هیچ نیازی نییە لە جێبەجێکردنی ڕێککەوتنە ئابووری و وەبەرهێنانییەکانی لەگەڵ ئێران پاشگەز ببێتەوە.
بەپێی لێدوانی لاڤرۆڤ لە ١٩ی ئۆکتۆبەری ٢٠٢٦، پسپۆڕانی ڕووسی بە شێوەیەکی هێواش دەگەڕێنەوە بۆ وێستگەی ئەتۆمیی بوشەهر، کە یەکێکە لە گرنگترین پڕۆژە هاوبەشەکانی نێوان هەردوو وڵات. ئەمەش نیشانەی بەردەوامیی هاوکاریی وزەیی و تەکنیکیی نێوان مۆسکۆ و تارانە، سەرەڕای ئاڵۆزییە سیاسی و ئەمنییەکانی ناوچەکە.
سەرچاوە: ڕاگەیاندراوەکانی وەزارەتی دەرەوەی ڕووسیا و ڕۆیتەرز.
لێدوان بنوسە لەڕیگای فەیسبووکەوە
