نوسەران

میدیای کوردی لەچەکوشی نائەخلاقیدا!

هێدی هەولێری
درۆی میدیای سێبەری کوردی ساڵانێکە تاکی هاوڵاتی ژێرخوێندەواری بەرەو هەڵدێر بردووەو هەمیشە لەخزمەت دەسەڵاتدا بووە، میدیا لە کوردستان ئەوەندەی ڕووبەڕووی ئایدۆلۆژیایەکی بەرتەسک و تاریک بووەتەوە، هێندە تێڕوانینێکی حزبى تەسک بووەتەوە و بە بودجە زەبەللاحەکەی میدیاو ماکینەیەکی شێوێنەری بەگەڕخستووە ڕێک پێچەوانەی ڕووداوەکان و ڕاستی و دروستی واقع و خولقێنەری دۆخێک سەر لەئاژاوەی سیاسی و بەلاڕێدابردنی بینەرو بینەرو خوێنەر.
میدیای کوردی ئەمڕۆ کۆپیکراوی حزب و دەستەیەکی شێوێنەری ناو میدیا و ناشیرینکردنی میدیا ڕەسەنەکەیە و هەوڵ بۆ تێکدانی پرەنسیپە ئاینی و نیشتمانی و شیرازەی کۆمەڵایەتی دەدەن و سوودی سەرەکیشیان لەو گێژاوە سیاسی و تێکدانی شیرازەی خێزان و داب و نەریتە باوەکانی کوردەواری.
ماوەی (١٠) ساڵ ڕۆژنامەنووس بووم لەنێوان ساڵانی (٢٠٠٤-٢٠١٤) لە دوای ئەوەش ڕەخنەی سیاسی و ئەدەب و شیعریم هەر بەردەوام بووە، لەگەڵ کاری میدیایی و ڕادیۆیی، هێندەی ئەوە میدیای سێبەر هەوڵی تێکشاندنی ڕەوتی ڕۆڵە گرینگەکەی ڕۆژنامەوانی و ڕەسەنێتی داوە، کە بە پلەی یەکەم هەردوو دەسەڵاتداری کوردی هەوڵی پارەڕێژکردنی کۆمەڵێک ڕۆژنامەنووسی خۆیان داوە، لەسێبەرێکی نا ئاسوودەو لێڵدا مەرامەکانی خۆی تێدا بێنێتە دی.
ساڵانێکە ئەو ئاشە دەهاڕدرێت و هەوڵ بۆ ناشیرینکردنی نوخبە جۆر بەجۆرەکانی کۆمەڵگەی کوردەواری دەدرێت بەتایبەت لەکاتی کێشەکاندا خەڵکی تری تێوەدەگڵێنرێت بۆ پەردە پۆشکردنی دۆسیەو فەزیحەی سیاسی گەورە. بۆیە لەم ڕوانگەوە ئەو جۆرە تاکیتکەی دەسەڵاتداران بەکاری دەهێنن بۆ شێواندنی ئەرکی سەرەکی ڕۆژنامەوان و لادان لەپیشە سەرەکیەکەی خۆی کە گەیاندنی ڕاستیەکانە.
ئەمەش کارێکی نامرۆڤانەیە چونکە کەسایەتی دەکاتە ئامانج، لە هەمان کاتیشدا کارێکی نا ئەخلاقیە چونکە بەکارهێنانی پیشیەیەکی ڕاستگۆیانەیە بۆ درۆو چەواشەکاری و بێ ئەرککردنی ئەرکە ڕاستەقینەکەی. میدیا بە هەموو بەشەکانیەوە لە هەرێمی کوردستان بەتایبەتی و جیهان بەگشتی لەبەردەم هەڕەشەیەکی نەترسی زۆر گەورەدایەو کراوەتە ئانرازێک بەدەست سەرکردەو ئەو بەرپرسانەی هەردەم خۆیان لەبەردەم نیزاعدا دەبیننەوەو خۆیان لەگرفتێک ئاڵاندووە لەپاڵ ئەوەدا شەڕێکی بێ ماناو ململانێیەکی ناشەریفابەی پێ دەکەن بەتایبەت لەکاتی بۆنەو هەڵبژاردنەکان و پرسە جیاوازەکاندا لەنموونەی ئەو کۆمەڵە پەیج و ئەکاونتانەی مئدیای کوردیان بێ ئەزشکردووەو ڕەواجێکی ئەوتۆیان لە کۆمەڵگەدا بۆ ڕەسەنێتی میدیا بە مانا جوانەکەی نەهێشتووەتەوە.
ئێستا لەپاڵ ئەوەی حزب و کەسایەتیەکانی خاوەنی ڕاگەیاندن و میدیا فەرمیەکانی خۆیەتی، لەهەمانکاتیشدا خاوەنی چەندین پەیج و ئەکاونتەو لەوێوە هەوڵ بۆ ناشیرنکردنی نەیارەکانی دەدات، چونکە ئەو میدیایەئ ئێستا هیچ خوێنەرو بینەرێکی نیەو بووەتە شێوازێکی کلاسیکی و لەقاڵبدانی چەند کەسێک و بەکۆیلەکردنیان. ماوەتەوە بڵێین کەناڵەکانی ڕاگەیاندنیش ئێستا بارگرانیەکی ترە بەسەر میللەت و بودجەیەکی زەبەللاحی لێوە خەرج دەکرێت، کە بەبێ هیچ یاسایەکی نوێ و مۆدێڕن هەر بەرپرسێک ڕاست دەبێتەوە، یان یاخی دەبێ لەحزبەکەی کەناڵێکی ڕاگەیاندن دادەمەزرێنێت، کۆی خەرجی و بەڕێوەبردنەکەشی وەک باسم کرد لەسەر شانئ میللەت و هاوڵاتیە، جاران کە باو بوو دەیان وت: فڵانە پەیج و ئەکاونت فڵانە بەرپرس لەپشتیەتی، ئەمڕۆ دەبێ بوترێت ئەو کەناڵە ئاسمانیەشی هەیەو زیاتر لە دەیان کارمەند بەموچەیەکی ڕکابەری دژی کەناڵەکەی تر کاری تێدا دەکەن و ڕۆژنامەنووسانیش خۆیان خستووەتە مەزدخانەو کێ ئۆڤەرو پارەی باشی هەبێ ئیدی مەبدەئی لا گرنک نیە.

لێدوان بنوسە لەڕیگای فەیسبووکەوە

بابەتی دیكە

هەروەها

Close
Close