بۆ دابینکردنی مووچەی ٢٠٠ هەزار کەس شاندێکی هەرێم سەردانی بەغدا دەکات
باسک نێت
وەزیری کار و کاروباری کۆمەڵایەتیی حکومەتیی هەرێمی کوردستان بۆ دۆسیەی مووچەی چاودێریی کۆمەڵایەتیی سەردانی بەغدا دەکات و ناوی 205 هەزار کەس لەگەڵ خۆی دەبات.
بۆ تاوتوێکردنی دۆسیەی مووچە و سوومەندبووانی چاودێریی کۆمەڵایەتی، بەم نزیکانە کوێستان محەممەد، وەزیری کار و کاروباری کۆمەڵایەتیی حکومەتی هەرێمی کوردستان سەردانی بەغدا دەکات.
پێش کۆرۆنا نزیکەی 88 هەزار کەس مووچەی چاودێریی کۆمەڵایەتیان هەبوو؛ بەڵام دوای کۆرۆنا و سەختی ژیان ئێستا ژمارەکە بۆ 205 هەزار کەس بەرزبووەتەوە.
بڕیارە وەزیر سەردانی بەغدا بکات و 205 هەزار ناوی خێزان لەگەڵ خۆی دەبات بۆ ئەوەی پارەی پێویستیان بۆ دابینبکرێت و مووچەی چاودێریی کۆمەڵایەتی وەربگرن.
داوادەکرێت پارەی پێویستیان بۆ دابین بکرێت، بۆ ئەوەی حکومەتی هەرێمی کوردستان مووچەیان بدات.
