جیهانهەواڵ

دژی ڤاکسینی کۆرۆنا خۆپیشاندان بەڕێوەچو

خۆپیشاندان و ناڕەزایەتی بەر فراوان دژی ڤاکسینی کۆرۆنا لە ئەوروپا و ئەمریکا بەڕێوەچوو و لە بەلجیکا هێرش کرایە سەر بارەگای یەکێتی ئەوروپا و پۆلیس بە گازی فرمێسکڕێژ هەوڵی بڵاوەپێکردنی خۆپیشاندەرانیدا.

ژمارەیەکی زۆر لە هاوڵاتییان لە شارەکانی لە لەندەن و پاریس و برۆکسل و ستۆکهۆڵم دژی ڤاکسینی کۆرۆنا رژانە سەر شەقامەکان و نزیکەی 50 هەزار خۆپیشاندەر لە شاری برۆکسل چونە بەردەم بارەگای یەکێتی ئەوروپا لەو شارە بەڵام پۆلیس بۆ بڵاوەپێکردنی خۆپیشاندەران ئاو و گازی فرمێسکڕێژی بەکار‌هێنا.

خۆپیشاندەران هێرشیان کردە سەر بارەگای یەکێتی ئەوروپا و ئەوەش توندوتیژیی زیاتری لێکەتەوە و پۆلیس زیاتر لە 60 خۆپیشاندەری لە شاری برۆکسل دەستگیر کرد.

هاوکات خۆپیشاندان و ناڕەزایەتی دژی ڤاکسینی کۆرۆنا زۆربەی ویلایەتەکانی ئەمریکای گرتوەتەوە خۆپیشاندەران لە کالیفۆرنیا و واشنتۆن داوایان لە ئیدارەی وڵاتەکەیان کرد رێوشوێنە توندەکان بۆ بەکارهێنانی ڤاکسینی کۆرۆنا هەڵوەشێننەوە بەکارهێنانی ڤاکسین نەکرێت بە ناچاریی.

لە رۆژی هەینییەوە رێوشوێنەکانی خۆپارێزیی لە کۆرۆنا لە ئەمریکا و ئەوروپا توند کراوەتەوە و ئەوەش ناڕەزایەتیی هاوڵاتییانی لێکەوتوەتەوە.

لێدوان بنوسە لەڕیگای فەیسبووکەوە

بابەتی دیكە

Close