كوردستانهەواڵ

بانگه‌وازێكی به‌ په‌له‌ له‌ وه‌زاره‌تی ته‌ندروستییه‌وه‌ بۆ هاووڵاتیان

وه‌زاره‌تی ته‌ندروستی حكومه‌تی هه‌رێمی كوردستان، له‌ بانگه‌وازێكی به‌ په‌له‌ داوا له‌و هاووڵاتیانه‌ ده‌كات كه‌ له‌ماوه‌ی دوو هه‌فته‌ی رابردوو، به‌ شێوه‌یه‌كی قاچاغ له‌ ئێرانه‌وه‌ به‌بێ پشكنین و كه‌ره‌نتین گه‌ڕاونه‌ته‌وه‌ كوردستان، بەزووترین کات دوورکەونەوە لە ماڵ و منداڵ و خێزانەکانیان و پەیوەندی بە تیمەکانی پزیشکی بکەن.

وه‌زاره‌تی ته‌ندروستی داواش له‌ هاووڵاتیان ده‌كات، کەوا نزیک نەبنەوە لەم بەڕێزانە لەپێناو تەندروستی خۆیان و خانەوادەیان و پەیوەندی بە تیمەکانی تەندروستی بکەن لەپێناو ڕێگەگرتن لە بڵاوبوونەوەی نەخۆشی ڤایرۆسی کۆڕۆنای نوێ COVID-19.

شه‌وی رابردوو لیستێكی ناوی ئه‌و كه‌سانه‌ بڵاوكرایه‌وه‌، كه‌ به‌بێ پشكنینی تیمی پزیشكی، له‌ خاڵی سنووری مونزریه‌وه‌ له‌ ئێرانه‌وه‌ گه‌ڕاونه‌ته‌وه‌ كوردستان.

ده‌قی بانگه‌وازه‌كه‌ی وه‌زاره‌تی ته‌ندروستی:

“بانگەوازێکی بەپەلە بۆ هاوڵاتیانی هەرێمی کوردستان…

دوای بڵاوبوونەوەی لیستی ناوی ئەو گەشتیارانەی گەڕاونەتەوە هەرێمی کوردستان بەبێ ئەوەی کەڕەنتین بکرێن و جیابکرێنەوە وەیان بە قاچاغ و دوور لە تیمەکانی پزیشکی ئێستا لە هەرێمی کوردستانن یان هەر گەشتیارێکی تر کە لە ماوەی دوو هەفتەی ڕابردوو گەڕاونەتەوە جێگای مەترسین، ئاگاداریان دەکەینەوە کەوا بەزووترین کات دوورکەونەوە لە ماڵ و منداڵ و خێزانەکانیان و پەیوەندی بە تیمەکانی پزیشکی بکەن، داواش لە هاوڵاتیانی خۆشەویست دەکەین کەوا نزیک نەبنەوە لەم بەڕێزانە لەپێناو تەندروستی خۆتان و خانەوادەتان و پەیوەندی بکەن بە تیمەکانی تەندروستی لەپێناو ڕێگەگرتن لە بڵاوبوونەوەی نەخۆشی ڤایرۆسی کۆڕۆنای نوێ COVID-19.

بەهیوای سەلامەتی بۆ هەمووان.

وەزارەتی تەندروستی

حکومەتی هەرێمی کوردستان”

لێدوان بنوسە لەڕیگای فەیسبووکەوە

بابەتی دیكە

Close