بەڕێوەبەرایەتى کەشناسى هەرێمى کوردستان ئاشکراى دەکات سبەینێ لە چەند ناوچەیەک بەفر دەبارێت، لەچەند ناوچەیەکى دیکەش بەبڕى جیاواز باران دەبارێت.
بەپێى راپۆرتى بەشى پێشبینى لە بەرێوەبەرایەتى گشتى کەشناسى و بومەلەرزەزانى هەرێمى کوردستان، سبەینێ لە پارێزگاى هەولێر کەشوهەوا سارد دەبێت، لەناوچە شاخاوییەکان بەفر دەبارێت، لە هەندێک ناوچەش بڕێکى کەم باران دەبارێت، لە پارێزگاکانى سلێمانی و هەڵەبجەش لەکاتەکانى بەیانیدا لەناوچە شاخاوییەکان بەفر دەبارێت، لەهەمانکاتدا لە هەندێک ناوچەى دیکە باران دەبارێت.
لەبەشێکى دیکەى ئەو راپۆرتەى بەڕێوەبەرایەتى گشتى کەشناسى و بومەلەرزەزانى هەرێمى کوردستاندا هاتوە، سبەینێ لە پارێزگاى دهۆک لەکاتەکانى بەیانى زوودا بەفر دەبارێت، بەڵام لەپاش نیوەڕۆوە کاریگەرى ئەو شەپۆلە لاواز دەبێت.
سەبارەت بە پارێزگاى کەرکوکیش بەڕێوەبەرایەتى گشتى کەشناسى و بومەلەرزەزانى هەرێمى کوردستان ئاشکرایکردوە، کەشوهەوا سارد و هەور دەبێت و لەکاتەکانى بەیانى زوودا کەمێک نمەباران دەبارێت، لەپاش نیوەرۆشەوە ئاسمان دەگۆڕێت بۆنیمچە هەور.
