پلەکانی گەرما بۆ یەکەمجار لەئەمساڵدا دەگەنە 50 پلەی سەدی
باسک نێت
شارەزایەکی بوواری کەشناسی پێشبینی دەکات، لەسەرەتای هەفتەی داهاتووەوە شەپۆلێکی بەتینی گەرما ناوچەکانی عێراق و بەشێک لەناوچەکانی هەرێمی کوردستانیش بگرێتەوە، لەهەندێک ناوچەش بەتایبەت بەسرە، پلەی گەرما بگات 50 پلەی سیلیزی.
هەڤاڵ سدیق گەڵۆزی؛ شارەزای بوواری کەشناسی دەڵێت: لەڕووی فەلەکییەوە، هەشت ڕۆژە بچینە بەوەرزی هاوین کە لە 21ی حوزەیرانی 2026، دەستپێدەکات تانزیک کۆتایی مانگی حوزەیران.
ڕوونیشیدەکاتەوە: لەسەرەتای هەفتەی داهاتوو شەپۆلێکی بەتینی گەرما، بەشێکی زۆری ناوچەکانی باشووری عێراق دەگرێتەوەو پلەکانی گەرما بەشێوەیەکی نائاسایی بەرزدەبنەوە.
ئەو کەشناسە کوردە دەڵێت: پلەکانی گەرما بەجۆرێک بەرزدەبنەوە، لەهەندێک ناوچەو بەتایبەت لەپارێزگای بەسرە، بۆیە یەکەمجار لەماوەی ئەمساڵدا دەگاتە 49 بۆ 50 پلەی سیلیزی.
