پلەکانى گەرما زیاتر دادەبەزن

کەشناسى هەرێم ئاشکراى دەکات کە پلەکانى گەرما زیاتر دادەبەزن و لە سلێمانیش پلەى گەرما دێتەر خوار (40) پلەى سیلیزى.

بەڕێوەبەرایەتى کەشناسى هەرێمى کوردستان، کەشى پێشبینیکراوى 48 کاتژمێرى داهاتووى بڵاو کردەوە و بەپێى پێشبینییەکانیش، ئەمڕۆ دوشەممە، ئاسمان لە نێوان ساماڵ و پەڵە هەور دەبێت، لە ناوچە شاخاووییەکان نیمچەهەور دەبێت لەگەڵ ئەگەرى  بەرزبوونەوەی تۆزوخۆڵیکی سووک لە هەندێ لەناوچە.
هاوکات خێرایى (با)ش، مامناوەند دەبێت و لە نێوان 10 بۆ 20 کیلۆمەتر دەبێت لە کاتژمێرێکدا و هەندێ جاریش چالاک دەبێت و ئاراستەکەى دەگۆڕێت.

لەبارەى پلەکانى گەرما، کەشناسى ئاشکراى کردووە کە پلەکانى گەرما بەرەو نزمبونەوە دەچن وەک لە نەخشەکەدا دیاریکراوە.

هاوکات سبەینێ سێشەممە، پلەکانى گەرما زیاتر دادەبەزن و لە سلێمانى دەبێتە (39) پلەى سیلیزى. بەم شێوەیەى خوارەوە:

بەرزترین پلەکانی گەرمای پێشبینیکراو بە پلەی سیلیزی بۆ رۆژى سێشەممە :
هەولێر  : 41
سلێمانی : 39
دهۆک  : 40
کەرکوک : 43
هەڵەبجە : 42
زاخۆ   : 42
سۆران  : 40
گەرمیان : 45