دەستەی پاراستن و چاككردنی ژینگەی هەرێم رایدەگەیەنێت، بەپێی گشتاندنێكی وەزارەتی ناوخۆی هەرێم هەر ئۆتۆمبێلێك هاوردەی هەرێمی كوردستان دەكرێت ئەگەر بەردی ساڵەنسای دەرهێندرابێت تۆمارناكرێت.
ئەمڕۆ چوارشەممە، عەبدولڕەحمان سدیق، سەرۆكی دەستەی پاراستن و چاككردنی ژینگە چالاكییەكانی ساڵی 2023 ی خستەڕوو و رایگەیاند، بایەخی زیاتر بە پرسی ژینگە لە نێو خوێندنگە و زانكۆكانی هەرێمی كوردستاندا دراوە لە ئێستادا لە هەر چوار پارێزگاكە و چوار ئیدارە سەربەخۆكەی هەرێم فەرمانگەی ژینگەیی هەیە.
لەبارەی هاوردەكردنی ئۆتۆمبێل بۆ هەرێمی كوردستان ئاماژە بۆ ئەوەش كراوە، وەزیری ناوخۆ گشتاندنی بۆ بڕیارێك كرد كە هەر ئۆتۆمبێلێك هاوردەی هەرێمی كوردستان دەكرێت، ئەگەر بەردی ساڵەنسای دەرهێندرابێت تۆمارناكرێت.
لێدوان بنوسە لەڕیگای فەیسبووکەوە
