سوپای عێراق ساتری خۆڵ لەسەر ڕێگای کەلار جەلەولا دروست دەکات
باسک نێت
سوپای عێراق لەسەر ڕێگای کەلار جەلەولا لە نێوان کوڵەجۆ و قەڵا چەندین ساتری خۆڵیان لە سەر ڕێگاکە دروست کردووە شۆفێران ناچارن بەخێرایەکی کەم و بەشێوەی زیگزاگ بڕۆن .
لە نزیک بازگەی قەڵا لە چەندین شوێن بەدرێژای ڕێگاکە خۆڵ کراوەتە سەر ڕێگاکە و ڕێگای تێپەڕینی یەک ئۆتۆمبێل هێڵدراوەتەوە .
بەپێی بەدواداچوونی بوار بەرپرسانی ناوچەکە هۆکاری ئەو ساترە خۆڵانە بۆ ئەوە دەگەڕێننەوە کە بارهەڵگر بە ڕێگاکەدا هاتوچۆ نەکات و ڕەتی دەکەنەوە پەیوەندی بە ڕێکاری ئەمنیەوە هەبێت لەکاتێکدا ڕێگاکە بازگەی لێیە و دەتوانرێت لە بازگەکە ڕێگا بە بارهەڵگر نەدرێت .
ماوەی هەفتەیەکە لەدوای بڕیاری بە قەزا کردنی قەرەتەپە و دابڕینی ناحیەی کوڵەجۆ (کۆکس) و خواستی جوڵەی هێزە عێراقیەکان بەئاڕاستەی بیرە نەوتەکانی کێڵگەی قەمەر لە ناحیەی کوڵەجۆ هێزە عێراقیەکان و هێزی پێشمەرگە سەنگەرەکانیان بەرامبەر یەکتر تۆکمە دەکەن و سەنگەری نوێ و خەندەق و ساتر لێ دەدەن
باسک نێت
