داهاتی گومرگەکان نزیکەی سێ هێندەی دوو ساڵی ڕابردووە
باسک نێت
دەستەی گشتیی گومرگی عێراق پێشبینیدەکات داهاتی ئەمساڵی گومرگ بەرزبێتەوەو بگاتە نزیکەی دوو تریلیۆن دینار.
حەسەن عگێلی، بەڕێوەبەری گشتیی گومرگەکانی عێراق ڕایگەیاند: ئەو داهاتەی دەستەکە کۆیدەکاتەوە زیادیکردووە، بەتایبەت دوای خستنەگەڕی ئەو سیستمە ئەلیکترۆنییەی حکومەت پەیڕەویدەکات.
وتیشی: داهاتی دەستەکە لەساڵی 2022، بڕی 807 ملیار دینار بووە، بەڵام لە 2023دا دوای پەیڕەوکردنی سیستمە ئەلیکترۆنییەکە گەیشتە یەک تریلیۆن و 33 ملیار دینار.
ئاشکراشیکرد: داهاتی گومرگەکان لەسەرەتای ئەمساڵەوە تامانگی هەشت، تریلیۆنێک و 328 ملیار دینار بووەو پێشبینیدەکرێت تاکۆتایی ساڵ بگاتە نزیکەی دوو تریلیۆن دینار.
لێدوان بنوسە لەڕیگای فەیسبووکەوە
