هێزە ئەمنییەکانی سلێمانی تۆمەتبارێکیان دەستگیرکرد، کە زیاتر لە سێ ملیۆن دیناری ساختەی پێبوە .
بەڕێوەبەرایەتی ئاسایشی سلێمانی رایگەیاند تۆمەتبارێکیان دەستگیرکردووە بە ناوی (أ ، م ، س)، کە بڕی سێ ملیۆن و بیست ھەزار دیناری عێراقی ساختەی لە جۆرى (10) هەزارى و (25) هەزارى پێبوە و بەنیازى ساغکردنەوەی بووە لەناو بازاری سلێمانیدا.
ئاسایشى سلێمانى رونیکردوتەوە کە تۆمەتبارەکە ئەو بڕە پارەیەی لەدەرەوەی هەرێمی کوردستان هێناوەتە ناو شاری سلێمانی و لە ئێستاشدا بە فەرمانی دادوەر و بە پێى مادەی ( 281 ) لەیاسای سزادانی عێراقی راگیراوە و لێکۆڵینەوە لەگەڵیدا بەردەوامە .
لێدوان بنوسە لەڕیگای فەیسبووکەوە
