بزووتنه‌وه‌ی ئیسلامیكوردستانهەواڵ

مەكتەبی سیاسیی بزووتنەوەی ئیسلامیی بە توندی ئیدانەی سوكایەتییەكانی ماكرۆن دەكات

به‌ناوى خواى گه‌وره‌و میهره‌بان
وڵامێك بۆ Emmanuel Macron سه‌رۆك كۆمارى فه‌ڕه‌نسا
ماوه‌ى چه‌ند مانگێكه‌ سه‌رۆك كۆمارى فه‌ڕه‌نسا لێره‌و له‌وێ ده‌ستى كردوه‌ به‌ قسه‌ى ناشیاو به‌رامبه‌ر به‌ ئیسلام و پێغه‌مبه‌رى ئازیزمان محمد درودى خواى له‌سه‌ر بێت، كه‌ پێمان وایه‌ ئه‌وه‌ى ماكرۆنى گه‌یاندۆته‌ ئه‌و رادده‌یه‌ كه‌ دژى ئیسلام قسه‌ بكات ئه‌م هۆكارانه‌یه‌:
یه‌كه‌م: فه‌وزاى ناوخۆى فه‌ڕه‌نسا بوه‌ته‌ هۆكارێك بۆ ئه‌و قسانه‌ى تاوه‌كو گه‌لى فه‌ڕه‌نسا پێ سه‌رگه‌رم بكات.
دووه‌م: له‌ هه‌ڵبژاردنه‌كانى ئه‌م دواییه‌ى ناوخۆى وڵاته‌كه‌ى ماكرۆن هه‌وادارانى به‌ره‌و شكستهێنان ده‌ڕۆن.
سێیه‌م: خه‌ڵكى فه‌ڕه‌نسا به‌ قه‌ناعه‌تى خۆیان رۆژ به‌ رۆژ و ساڵ به‌ ساڵ زیاتر بڕوایان به‌ ئیسلام و پێغه‌مبه‌ره‌كه‌ى ده‌هێنن.
چواره‌م: قه‌یران له‌ دواى قه‌یران ماكرۆنى سه‌رقاڵ كردووه‌ ئه‌گینا په‌یامبه‌رى خوا محمد درودى خواى له‌سه‌ر بێت چ زیانێكى له‌و داوه‌و 1400 ساڵه‌ جگه‌ له‌ ره‌حمه‌ت بۆ جیهانیان چیترى هه‌بووه‌.
پێنجەم: هه‌زاره‌هاى وه‌ك ماكرۆن به‌ قه‌د تۆزقاڵێك كاریگه‌ری خراپیان له‌سه‌ر ئیسلام نابێت و له‌ زۆربه‌ى سه‌رده‌مه‌ كاندا نمونەی وه‌ك ئه‌و هه‌مان رۆڵیان گێرا، به‌ڵام زوو پوچه‌ڵ بوونه‌وه‌و پوو چه‌ڵ كرانه‌وه‌.
شەشەم: مسوڵمانان هه‌رده‌م باوه‌ڕیان به‌ خواى په‌روه‌ردگارو پێغه‌مبه‌ره‌كه‌یان پته‌وتر ده‌بێت.
مەكتەبی سیاسیی بزووتنەوەی ئیسلامیی كوردستان/عێراق
25/10/2020

لێدوان بنوسە لەڕیگای فەیسبووکەوە

بابەتی دیكە

Close