دوای شکانی بۆرییەکی گواستنەوەی ئاو، سێ رۆژە چەند گەڕەکێکی هەولێر بێئاو بوون، بەڕێوەبەری ئاوی هەولێریش دەڵێت، تاوەکو سبەینێ پێنجشەممە کێشەکە چارەسەر دەکرێت و ئاو دەگەڕێتەوە بۆ ئەو شوێنانەی چەند رۆژێکە بێئاون.
بەهۆی کارکردن لە پرۆژەی دووسایدکردنی رێگەی نێوان هەولێر-گۆپاڵ، رۆژی 2020/09/14 بۆریی ئاوی ئیفراز سێ کە قەبارەکەی مەتر و نیوێکە و کێشی نزیکەی 8 تۆنە شکا، بۆیە چەند گەڕەکێکی هەولێر، لەوانە گەڕەکەکانی شۆڕش لە شەقامی 60 مەترییەوە تاوەکو رێگەی کەرکووک و شەقامی 120 مەتریی هەولێر و بەشێکی کەسنەزانن، بێئاو بوون.
پێشتر بەڕێوەبەرایەتیی ئاوی هەولێر هۆشداریی دابووە هاونیشتمانییانی هەولێر کە تاوەکو چاککردنی بۆرییە شکاوەکە دانیشتووانی ئەو گەڕەکانە دەست بە ئاوەوە بگرن.
لێدوان بنوسە لەڕیگای فەیسبووکەوە
