به‌ناوی خوای گه‌وره و میهره‌بان
به‌بۆنه‌ی هاتنه‌وه‌ی جه‌ژنی قوربانی پیرۆزه‌وه له‌سه‌رانسه‌ری جیهان داواكارین له‌خوای په‌روه‌ردگار تاعه‌ت و عیباداتی ئه‌م ده رۆژه‌ی (ذی الحجه) له‌گشت موسڵمانان وه‌رگرتبێت ، به‌ڵام به‌هۆی بڵاوبوونه‌وه‌ی په‌تای كۆرۆناوه ده‌وڵه‌تی سعودیه رێگری كرد له‌و كه‌سانه‌ی كه‌نیه‌تی حه‌جیان هه‌بوو بچن بۆ زیاره‌تی ماڵی خوا جگه له هاوڵاتیانی وڵاتی سعوودیه .
ئێمه پیرۆزبایی و جه‌ژنه پیرۆزه له‌سه‌رجه‌م موسڵمانانی جیهان ده‌كه‌ین وه به‌تایبه‌تی خه‌ڵكی كوردستان ، ئومێده‌وارین كه به‌هۆی ئه‌م جه‌ژنه‌وه برایه‌تی و ته‌بایی هه‌رده‌م له‌ناو هاوڵاتیاندا ه‌به‌رده‌وام بێت و أن شاءالله كۆتایی بێت به‌م په‌تایه و ده‌خوازین له هاوڵاتیانی به‌ڕێز كوردستان خۆیان به‌دوور بگرن له په‌ره‌باڵغی و هه‌موو تاكێك خۆپارێزی ئه‌نجامبدات و پێویسته ڕێنماییه‌كانی ته‌ندروستی جێبه‌جێ بكات ،
خودا داوات لێده‌كه‌ین نزا و تاعه‌ت و عیباده‌تی به‌نده‌كانی خۆی وه‌ربگرێت
وصلي اللهم على سيدنا محمد وعلى اله وصحبه وسلم
مه‌كته‌بی سیاسی بزووتنه‌وه‌ی ئیسلامی
