🔹 مەزهەر محەمەد ساڵح، ڕاوێژکاری سەرۆک وەزیران ڕایگەیاند، بودجەی فیدڕاڵی بەپێی یاسای ژمارە ١٣ ی ساڵی ٢٠٢٣ پەسەندکراوە، پارێزگاری لە خەرجیە چەسپاوەکانی خۆی دەکات و ڕەچاوی پێشهاتەکانی نرخی نەوت لە جیهاندا دەکات.
🔸ڕاوێژکارەکەس سەرۆک وەزیران دەشڵێت، لە ئاڕاستەی یەکەمدا پتەوکردنی سیستەمی داراییە هاوتەریب لەگەڵ زیادکرنی داهاتە نانەوتیەکان، ئاڕاستەی دووەمیش نەرمی نواندنی یاساییە لە کات و ساتەکانی خەرجیە گشتیەکان.
🔹ڕاشیگەیاند، بودجە پارێزگاری لە چەسپاوی خەرجیەکان دەکات، لە پێش هەمووشیانەوە مووچە و پڕۆژەکانی خزمەتگوزاریەکان، جگە لەوەش پڕۆژەکانی پشتیوانیکردنی کەرتی تایبەت و بازاڕی کارکردن و بە گەڕخستن.
🔸ئاماژەی بەوەشکرد، پاشەکەوتی دارایی کەرتی تایبەت بەشداری دەکات لە پڕۆژەکانی گەشەپێدان و ڕەخساندنی هەلی کار کە داهات دابین دەکەن و بە شێوازێکی هاوبەشی ستراتیژی لەنێوان دەوڵەت و کەرتی تایبەتدا بەڕێوەدەچێت.