پێنج وڵاتی نائیسلامی کە ئیسلام تێیاندا بەخێرایی گەشە دەکات
باسک نێت
لە چەند ساڵی ڕابردوودا، ئاینی ئیسلام لە چەندین وڵاتی جیهاندا کە زۆرینەی دانیشتووانەکەیان پەیڕەوی ئاینەکانی دیکەن، گەشەیەکی خێرا و بەرچاوی بەخۆیەوە بینیوە. لێرەدا ئاماژە بە پێنج لە دیارترین ئەو وڵاتانە دەکەین:
ڕووسیا: سەرەڕای ئەوەی زۆرینەی دانیشتووانەکەی مەسیحین، بەڵام ئیسلام بووەتە دووەم گەورەترین ئاین لە وڵاتەکەدا و ڕێژەی موسڵمانان بەردەوام لە هەڵکشانێکی خێرادایە.
ویلایەتە یەکگرتووەکانی ئەمریکا: لە وڵاتێکدا کە زۆرینەی مەسیحین، بەپێی داتاکانی ناوەندی توێژینەوەی (Pew Research)، ئیسلام وەک خێراترین ئاین لە ڕووی گەشەکردنەوە لە ئەمریکا دادەنرێت.
یابان: لەم ساڵانەی دواییدا ئیسلام گەشەیەکی ڕێژەیی و زۆر خێرای تۆمارکردووە. بەهۆی موسڵمانبوونی بەشێک لە هاووڵاتیانی یابانی، ژمارەی مزگەوتەکان لە چەند دانەیەکەوە بۆ زیاتر لە ١٠٠ مزگەوت بەرزبووەتەوە.
کۆریای باشوور: لەکاتێکدا زۆرینەی دانیشتووانەکەی بێئاین یان مەسیحین، بەڵام ئیسلام لە گەشەکردنی بەردەوامدایە و کردنەوەی ناوەندە ئیسلامییەکان لەو وڵاتەدا ڕوو لە زیادبوون دەکەن.
بەرازیل: هەرچەندە بە گەورەترین وڵاتی مەسیحیی کاتۆلیک لە جیهاندا دادەنرێت، بەڵام بەهۆی چالاکییەکانی ناوەندەکانی بانگەوازەوە، ڕووکردنی هاووڵاتیان بۆ ئاینی ئیسلام و ژمارەی موسڵمانان تێیدا بەخێراییەکی زۆر ڕووی لە زیادبوون کردووە.
