بڕی هاوکارییەکانی چەمچەماڵ راگەیاندرا
بڕی ئەو هاوکارییانەی کە تائێستا بۆچەمچەماڵ کۆکراونەتەوە ئاشکراکرا.
باسک نێت – چەمچەماڵ
لیژنەی بوژاندنەوەی چەمچەماڵ بڕی ئەو هاوکارییانەی کە بۆ زیانلێکەوتووانی چەمچەماڵ کۆکراونەتەوە رادەگەیەنێت.
لیژنەی بوژانەوەی چەمچەماڵ رایگەیاند، کاری خەمڵاندنی زیانەکانی لافاوەکەی چەمچەماڵ کۆتاییهاتووە و رێکارەکانی قەرەبووکردنەوە ماوە، هەروەها بڕی هاوکارییەکان گەیشتووەتە زیاتر لە هەشت ملیار دینار و 360 ملیۆن دینار.
هاوکات لەبارەی چۆنیەتی وەرگرتنی قەرەبووەکەوە، ئاشكرایکرد، زیانلێکەوتووان لە رێگەی چەکێکەوە پارەکانیان بە کاش وەردەگرن، قەرەبووی لەپێشینە ماڵەکان، ئۆتۆمبێل و دواتر شوێنە بازرگانییەکان دەبێت.
لیژنەکە ئەوەشی ئاشکراکردووە، قەرەبووەکە بەشێوەیەکە زیانلێکەوتووان بتوانن بە زیادەوە ئەو کەلوپەلانەیان بکڕنەوە کە زیانیان پێگەیشتووە و سود لە قەرەبوووەکە وەربگرنەوە.
